ورنگل میں بین ضلعی سارق گرفتار ۔ 6.5لاکھ مالیت کے طلائی زیوارات ضبط

ورنگل پولیس کمشنر سدھیر بابو نے کہا کہ مقفل شدہ مکانات سرقہ کرنے والا بین ضلعی سارق کشور کمار کمشنریٹ کرائم پولیس نے گرفتار کرلیا ۔گرفتار شدہ شخص ملگ گنا پورم منڈل سے تعلق رکھتا ہے لیکن وہ فی الحال حیدر آباد کے ونائک نگر میں قیام پذیر ہے ۔اس کے پاس سے پولیس نے جملہ 6.5لاکھ مالیت کے 213گرام طلائی زیوارات ،400گرام چاندی ،ایک موٹر سائیکل ،لیاپ ٹاپ ،آئی پیاڈ ،اور کیمرہ کو پولیس نے ضبط کرلیا ۔مجرم کے پاس سے ضبط کئے گئے اشیاء کو کرائم پولیس نے کمشنر کے سامنے پیش کیا ۔سدھیر بابو کے تفصیلات کے بموجب کشور کمار بی کام کی تعلیم حاصل کرتے ہوئے درمیان میں ہی تعلیم کو ترک کرکے حیدر آباد جاکر ایک سافٹ ویر کمپنی میں ڈاٹا انٹری آپریٹر کی حیثیت سے کام کیا ۔اس نے پہلے گوداوری کھنی میں سرقہ کی واردات انجام



دینے پر وہاں کی پولیس نے اسے گرفتار کرکے جیل بھیج دیا ۔جیل سے رہا ہونے کے بعد کریم نگر ،عادل آباد ،نظام آباد میں سرقہ کی وارداتوں کو انجام دیتے ہوئے پولیس کے ہاتھ لگا ۔۔کمشنریٹ کے حدود کے رائے پرتی میں تین مکانات میں ،صوبیداری ،انتصار گنج ،پولیس اسٹیشن کے حدود میں ایک ایک ،میدک ضلع میں دو اور نظام آباد میں ایک سرقہ کی واردات انجام دیا ۔سی سی ایس انسپکٹر آدی نارائنا نے اپنے ملازمین کے ساتھ ہنٹر روڈ پر گاڑیو ں کی تنقیح کررہے تھے اسی وقت کشور کمارنے اپنی سرقہ کی ہوئی اشیاء کو فروخت کرنے لئے ورنگل جانے کے درمیان سی سی ایس پولیس نے اسے گرفتار کرلیا ۔پوچھ تاچھ کرنے پر اس نے اپنا جرم اقبال کیا ۔اس کے پاس موجود اشیاء کو حاصل ضبط کرلیا گیا ۔تمام پولیس عہدیداروں وملازمین کو پولیس کمشنر نے مبارکباد پیش کی ۔